[新聞] 「台語嘛會通」實體教具完成 tshuā囡仔快樂學台語

公視新聞網 https://news.pts.org.tw/article/687267 「台語嘛會通」實體教具完成 tshuā囡仔快樂學台語 發布時間：2024-03-26 19:15 更新時間：2024-03-26 19:45 呂尚儒 莊浚佑 / 台北報導 https://www.youtube.com/watch?v=cPxIHwRh1_M 舊年有一套台語教具「台語嘛會通」佇咧挖貝募資平台的提案大賽當中提著金貝獎，而且 佇網路嘛得著真好的反應，今年總算完成實體欲上募資平台。這是由一陣無到30歲的設計 師所設計，活潑的互動予台語教具有趣味性，增加囡仔的學習興趣，團隊也講in也佇開發 的過程慢慢仔共台語學轉來。（此則新聞標題、導言、內文皆為臺語文。） 烏趖趖(烏趖趖) 囡仔足愛耍 阿媽揣孫同齊讀台語繪本，這是「台語嘛會通」團隊所創作的教具，毋過毋干焦是繪本的 形式，遮的字和圖樣攏會當透過點讀筆，聽著台語發音。這套教具計共分做名詞、形容詞 和動詞來設計出無仝的形式。親像動詞就有互動卡，囡仔只要共卡片的紙機關giú振動就 通看著台語的動作。 「台語嘛會通」機關設計師 劉書恒 台語的拍有幾若種方式 你講你共我拍 猶毋過我毋知你是按怎共我拍 阮的阿叔會摃球 阿母提箠仔共我篠 這就是一種表現的方式 予in知影講原來拍這个動作 有遮爾濟種表現的方式 抑若像台語的形容詞，比論阿媽的頭毛白蒼蒼，只要共冊邊仔的踅盤掰振動，頭毛就會對 烏色慢慢仔變做白色。設計「台語嘛會通」這套教具的是三位無到30歲的設計師，怹佇舊 年提著「挖貝群眾集資提案大賽」的金貝獎，希望會當予家長咧教囡仔的時，較有互動性 、增加學習的興趣。 「台語嘛會通」負責人 洪子桂 愛好耍閣趣味 嘛愛正確 過去攏是較平面的繪本 攏無夠有趣味 所以囡仔就無啥興趣學台語 台語嘛會通的創辦人洪子桂表示，家己因為台語無啥會曉講，閣看著台語直直咧流失，予 怹感覺真可惜，所以透過設計嘛慢慢仔共台語學轉來，團隊嘛有請台語專家阿東，來嚴格 要求教具的品質。 阿東的哩哩叩叩創辦人 吳建東 這陣少年人in願意共 in的母語重新共學轉來 共抾轉來 而且會當奉獻家己的心力 奉獻in家己的專長來設計教材 希望講會當予咱的台語 抑是咱的本土語言 會當繼續生湠落去 「台語嘛會通」這套台語教具主要是針對3歲至8歲的囡仔所設計，未來拍算會佇4/16上募 資平台，團隊希望透過這寡活潑的設計，家長和囡仔攏會當做伙耍、做伙學台語。 洪家馨/編輯 -- ※ 發信站: 批踢踢實業坊(ptt.cc), 來自: 111.255.134.38 (臺灣) ※ 文章網址: https://www.ptt.cc/bbs/Gossiping/M.1711462521.A.396.html