[新聞] 台語台「鹽水大飯店」首映 演出民主改革歷程

公視新聞網 https://news.pts.org.tw/article/683186 台語台「鹽水大飯店」首映 演出民主改革歷程 發布時間：2024-02-29 19:15 更新時間：2024-02-29 20:03 https://www.youtube.com/watch?v=2--cVkgXuvs 公視台語台頭一齣時代劇「鹽水大飯店」今仔開首映記者會，這齣戲是以美麗島事件做背 景，改編自前農委會副主委-戴振耀的少年時代，佮一陣好朋友，積極追求民主改革的故 事。毋但電視通收看，民眾佇Netflix佮公視+攏會當看著。文化部長-史哲嘛肯定「鹽水 大飯店」共歷史影視化的成果。 電視劇"鹽水大飯店"劇名，講的毋是真正的飯店，是以早坐監的人干焦會當食飯攪鹽水。 這是公視臺語台第一齣時代劇，以美麗島事件做背景，改編自前農委會副主委戴振耀的少 年時代，和一陣好朋友積極追求民主改革的故事，兩位共同導演表示in毋但做田野調查， 嘛真講究台語和多語言的呈現，向望予觀眾看著上好的作品。 導演鄭文堂講:「毋敢講指標，但是我想咱是會當建立一个，真高品質表演好，技術的部 門攏真好。」導演林志儒講:「這齣戲橫直有我佇咧，一定會呈現語言的多元，這齣戲內 底除了台語以外，閣有華語當然嘛袂欠客家話，就逐家會當看覓，歡迎逐家來看。」 公視台語台製作這齣電視劇"鹽水大飯店"，向望共台語推向主流化，為著欲予愈濟人看著 優質的台語作品，這齣戲嘛會佇Netflix平台和公視+放送，文化部長史哲也肯定歷史的影 視化，向望國內的電視台攏會當一步一步行向深度的內容製作，拍開台灣影視產業的國際 合作。 文化部長史哲講:「長期咱攏希望講，台灣歷史會當戲劇化，文本會當影視化，這齣戲是 一个真好的代表，上主要是台語會當主流化。」 "鹽水大飯店"這齣電視劇，3/3暗時8點會佇臺語台14台放送，希望會當予逐家愈了解臺灣 的歷史，看彼段民主運動上興的年代，斯當時、上苦澀的目屎和上甜的美夢。 張曼亭/編輯 -- ※ 發信站: 批踢踢實業坊(ptt.cc), 來自: 111.255.139.138 (臺灣) ※ 文章網址: https://www.ptt.cc/bbs/Gossiping/M.1709216822.A.F9F.html