[新聞] 「中國六四」34年 被禁舞台劇「5月35日」踮臺演出

公視新聞網 https://news.pts.org.tw/article/639637 「中國六四」34年 被禁舞台劇「5月35日」踮臺演出 郭柏均 張育睿／臺北報導 發布時間：2023-06-01 19:15 更新時間：2023-06-02 17:08 https://www.youtube.com/watch?v=BssIKRyBWJs 中國六四事件，欲滿34週年。國際特赦組織佮臺灣的「曉劇場」合作，共佇中國佮香港， 予人禁止演出的舞台劇《5月35日》搬來到臺灣，6/3欲演出。這齣戲是對一對尪仔某開始 講，亻因囝佇64事件當中過往，決定去天安門廣場悼念，講出這段無可能放袂記的歷史。 面對家己的囡仔、六四的時佇天安門廣場受難，破重病的母親，人生想欲做的上尾一件代 誌，就是去天鰻門廣場看看咧。這是國際特赦組織、參台灣曉劇場合作，推出以中國六四 事件為主題的舞台劇《5月35日》。 《5月35日》導演鍾伯淵表示：「看咱的歷史，咱看著228，咱也看著白色恐怖，演出當中 也用一寡台灣的禁歌，去講咱也捌有過這寡事件，咱愛按怎佇未來，避免這款代誌閣再發 生。」 劇場表示，這齣戲佇中國無法度演出，佇香港也予人禁止。這齣戲原底是由香港「六四舞 臺」劇團製作，毋過六四舞臺因為2020年香港國安法實施，隔年就自行解散。 「六四舞台」主席列明慧表示：「因為港區國安法過去捌有案例，因為一寡網路上的言論 ，閣轉去香港的時，是有機會予人掠的，所以其實我決定佇海外，繼續《五月三十五》的 工課了後，我決定我是袂閣再轉去香港。」 國際特赦組織台灣分會秘書長邱伊翎表示：「阮有粵語讀劇的香港演員，其實in也會因為 按呢，承受真大的壓力，包括in猶有親人可能攏猶佇香港，所以in落尾是會掛尪仔面來演 出。」 六四事件到今已經34年，香港的藝術表演者--列明慧表示，佇香港國安法實施了後，有濟 濟親像六四紀念館、國殤之柱，這寡六四事件相關的物件、攏佇香港漸漸消失。希望通透 過這齣戲，會當繼續保存這寡記持。 -- ※ 發信站: 批踢踢實業坊(ptt.cc), 來自: 111.255.128.159 (臺灣) ※ 文章網址: https://www.ptt.cc/bbs/Gossiping/M.1685715629.A.20C.html