[新聞] 明仔載鋒面離開臺灣 禮拜進前雨會漸漸轉和

公視新聞網 https://news.pts.org.tw/article/696561 明仔載鋒面離開臺灣 禮拜進前雨會漸漸轉和 發布時間：2024-05-23 19:15 更新時間：2024-05-23 19:36 https://www.youtube.com/watch?v=JvJNMOs4SUM 這幾工天氣較無穩定，毋過明仔載鋒面就會沓沓仔離開臺灣，中央氣象署估計，對這馬到 禮拜，雨水會漸漸減少。另外這馬佇菲律賓東南海域，有今年第一个熱帶性低氣壓，佇未 來2工內，可能會結做今年頭一个風颱，氣象署估計，這粒風颱對臺灣影響無大。 這幾工臺北市攏烏陰天，佇下班時間、就開始落雷公雨，毋但上下班的人受影響，拜二佇 立法院四箍圍抗議的民眾也沃甲澹糊糊；拜五立法院閣再表決，可能閣有民眾行上街頭。 氣象署表示，鋒面已經沓沓仔離開，對這馬到禮拜，雨勢會轉和。 中央氣象署預報員張竣堯表示：「明仔載後日攏是鋒面離開，毋過攏猶是有水氣通過，特 別是佇中部以北地區，攏猶是有無定時的陣雨，過晝的雨勢猶是較明顯，各地猶是有短暫 雷公雨，特別明仔載佇西半部山區，東北部地區，有局部較大雨勢的機會，到禮拜天氣會 更加穩定一寡。」 另外目前佇菲律賓東南爿海域，有今年第一个熱帶性低氣壓，佇未來24~48點鐘內，可能 會結做今年頭一个風颱。估計紲落來會往西北方向、沿菲律賓呂宋島上北，對台灣無直接 影響。 中央氣象署預報員張竣堯表示：「大概是西北方向沿呂宋島，落尾轉東北方向，對琉球海 面方向行，對臺灣的天氣無直接影響，毋過伊上北過程當中，估計後禮拜一、拜二，臺灣 東半部可能有長湧。」 雖然風颱對臺灣影響無大，但是氣象署提醒民眾，後禮拜有另外一波鋒面倚近臺灣，下禮 拜一開始各地就有西北雨，後禮拜二、拜三影響上明顯；毋但各地攏有陣雨、雷公雨，西 半部可能達到大水雨層級，愛注意雨水可能會落出災情。 陳玟芯/編輯 -- ※ 發信站: 批踢踢實業坊(ptt.cc), 來自: 111.255.103.131 (臺灣) ※ 文章網址: https://www.ptt.cc/bbs/Gossiping/M.1716482579.A.EE6.html