[新聞] 蘇花下清水路段崩去 佇舊路設便道4/6開放

公視新聞網 https://news.pts.org.tw/article/688840 蘇花下清水路段崩去 佇舊路設便道4/6開放 發布時間：2024-04-04 19:15 更新時間：2024-04-04 19:39 https://www.youtube.com/watch?v=TwqtUatczVk 因為地動，花蓮有真濟對外車路攏斷去，親像蘇花公路的下清水橋路段崩去，伊是花蓮唯 一和宜蘭相接的車路，這馬當咧施工，按算拜六暗時六點先予細台車通過。臺鐵的崇德火 車頭也因為月台攏塗粉仔、thài-luh落甲滿塗跤，目前無法度予旅客使用，修復時間暫 時無法度確定。（此則新聞標題、導言、內文皆為臺語文。） 樹仔、車路，因為地動崩山，滿四界攏沙塗，不時閣有石頭繼續對山壁落落來，這是蘇花 公路的崇德管制站路段，為著拚通車已經出動怪手趕緊整理。蘇花公路影響嚴重的路段， 閣有規个地基攏崩落的下清水橋，搶救難度懸；下晡行政院副院長鄭文燦、交通部長王國 材到崇德路段視察，講下清水橋會先加強以前的舊橋，先予細隻車通行。 行政院副院長 鄭文燦 上重要是台九線蘇花公路 下清水橋的斷橋 斷橋這段是無替代道路的 所以一定是愛搶通 才通對花蓮往宜蘭行 四月初六下晡六點以前 先完成臨時便道 這个臨時便道通予小型車通過 大概四米(闊)左右 臺語台記者 郭柏均 蘇花公路崇德管制站附近 是坱埃坱甲滿四界 現場嘛會使看著 工作人員當咧清理道路 希望會使趕緊通車 行到邊仔的崇德火車頭 這个火車頭因為月台損害 已經無法度予旅客使用 目前只有載貨的火車 會使佇遮停靠 月台THÀI-LÙ落落，柱仔也有必巡，崇德火車頭雖講鐵路無因為地動損害，但是月台就 無樂觀。載客火車袂使佇遮上落旅客，修復的時間，目前也捎無摠。 臺鐵公司董事長 杜微 崇德站 因為伊較倚咱這擺落石區 所以伊有結構的疑慮 為著安全第一 所以咱崇德站暫時無辦理載客 花蓮大地動，共部份東部地區對外道路攏搖斷，經過搶救，台鐵表示，拜四鐵路全線已經 正常，賰崇德車頭愛等結構鑑定，才決定後一步。蘇花公路上尾的搶救路段、下清水橋， 按算拜六6點通予細隻車行，五月底開放大隻車行，年底才通完成重建；鄭文燦表示，大 隻車這陣愛先以台八線接中橫、抑是行南迴公路，做替代方案。 洪家馨/編輯 -- ※ 發信站: 批踢踢實業坊(ptt.cc), 來自: 111.255.147.170 (臺灣) ※ 文章網址: https://www.ptt.cc/bbs/Gossiping/M.1712238294.A.851.html