[新聞] 低薪、高工時按怎解？ 3總統候選人政見護勞權

公視新聞網 https://news.pts.org.tw/article/674980 低薪、高工時按怎解？ 3總統候選人政見護勞權 呂尚儒 林郁凱 / 臺北報導 發布時間：2024-01-05 19:15 更新時間：2024-01-05 19:29 https://www.youtube.com/watch?v=l7_E11z_Xeo 這幾年護理人員不時攏會徛出來爭取家己的勞動權益，要求加薪或者是調整和病人的比例 。事實上，低薪、高工時等問題也是真濟臺灣勞工的困境。三組總統候選人攏有提出加薪 水、增加歇假日、改善學用落差等等政見，欲來爭取選民的支持。（此則新聞標題、導言 、內文皆為臺語文。） 保障勞工權益的上低工資法，佇咧舊年12月總算三讀通過，濟濟勞工團體攏向望未來會當 改善弱勢勞工的生活。低薪的問題，一直攏是社會大眾非常關心的代誌，三組總統候選人 ，也捌佇政見發表會提出解決的方案。 侯友宜提出「守護勞工七箭」的政見，向望對加薪、增加歇假天數等等，來改善低薪、高 工時的困境。 國民黨總統候選人 侯友宜 第一件勞工加薪企業減稅 第二件守護弱勢降低稅金 第三件增加歇假天數 勞動尊嚴閣升級 第四件保障勞保基金永續發展 第五件起造勞工住宅 第六件保障非典型勞工權益 第七件修訂三法勞權加碼 抑若柯文哲是認為，低薪是教育出問題，致使教出來的學生無符合社會的需要，伊表示家 己選牢以後，除了高等教育，技職教育嘛會仝款重視。 民眾黨總統候選人 柯文哲 咧臺灣目前是欠工和低薪攏有 理論上欠工就應該高薪 哪會低薪 這表示咱學校教出來的學生 無符合社會 企業上的需要 所以這有學用落差的問題 我會共重視高教 輕視技職的教育政策 改做高教和技職並重 來強化產業銜接解決學用落差 另外，賴清德是提出提懸勞工的薪水的政見，伊講未來選牢、會根據物價指數抑是經濟成 長指數，來調整勞工的薪水，嘛欲鼓勵資方提懸提撥退休金。 民進黨總統候選人 賴清德 必須愛提懸勞工的薪水 除了發展經濟予產業升級 會當有愈濟高附加價值的工課以外 我也會運用蔡英文總統任內 所推動過的勞工基本薪資法案 運用物價指數 根據物價指數抑是經濟成長的指數 來調整勞工基本的薪資 根據行政院主計總處的統計，台灣的GDP自2000年到2022年成長率有到130%，但是低薪卻 一直攏是勞工上鬱卒的代誌，影響著結婚生囝、買厝等等的生活規畫，濟濟勞工團體攏捌 呼籲企業應該愛和勞工分享經濟成果，但是欲按怎維護、促進勞工的權益，未來的執政者 ，猶是愛好好仔思考。 洪家馨/編輯 -- ※ 發信站: 批踢踢實業坊(ptt.cc), 來自: 111.255.142.67 (臺灣) ※ 文章網址: https://www.ptt.cc/bbs/Gossiping/M.1704523910.A.9BB.html