[新聞] 咱一冬用40億一改性飲料杯 彰化明年欲禁用

公視新聞網 https://news.pts.org.tw/article/672360 咱一冬用40億一改性飲料杯 彰化明年欲禁用 楊舒晴/彰化報導 發布時間：2023-12-20 19:15 更新時間：2023-12-20 19:36 https://www.youtube.com/watch?v=bb8hq4HjoIs 根據環境部的統計，臺灣一年會當用大約40億个，一改就抨的塑膠杯仔，為著配合中央塑 膠減量的政策，彰化縣按明年1月初1開始，縣內飲料店，袂當閣使用一改就抨的塑膠杯仔 ，違規者，上重罰六千箍。 臺灣手摵茶商機大，但是一人一杯飲料，煞出現大量的塑膠糞埽，為著配合中央塑膠減量 的政策，彰化縣按明年1月初1開始，縣內飲料店，袂當閣使用一改性的塑膠杯仔，有業者 表示，in嘛願意配合塑膠減量的政策，毋過認為主管機關宣傳無夠，予in根本袂赴反應 業者表示:「佇程序上有淡薄仔宣傳無夠，致使阮遮的業者就是會感覺講袂赴準備，這馬 阮變成兩難的狀況，有成本的考量，另外就是銷售，製作紙杯仔欲按怎處理。」 彰化縣環保局表示，中央2022年就已經公告一改性塑膠杯仔限制使用的相關規定，嘛有佇 今年四月份召開說明會，佮相關業者討論，評估業者塑膠杯仔的庫存，研議政策實施的時 間 彰化縣環保局副局長黃維祥講:「今年的四月份開始，咱就針對咱縣內業者，有千幾間的 業者，咱就有去做通知，去做巡檢佮勸導，嘛有經過一寡報紙、廣播，佮阮網路，閣有拜 託公所，對各方面落去做相關的宣導。」 目前彰化縣內計共有1030間的飲料店，環保局佇九月初有寄公文佮宣導單予業者，希望逐 家明年度開始配合政策的實施，若違規會依照廢棄物清理法開罰單，嘛呼籲消費者買飲料 會當家己紮杯仔，毋但環保佮閣省錢。 張曼亭/編輯 -- ※ 發信站: 批踢踢實業坊(ptt.cc), 來自: 111.255.116.227 (臺灣) ※ 文章網址: https://www.ptt.cc/bbs/Gossiping/M.1703081331.A.B4F.html