[新聞] AI機器人教本土語 囡仔嘛願意開喙講臺語

公視新聞網 https://news.pts.org.tw/article/670165 AI機器人教本土語 囡仔嘛願意開喙講臺語 李晨宇 / 臺南採訪報導 發布時間：2023-12-06 19:15 更新時間：2023-12-06 19:31 https://www.youtube.com/watch?v=fRWG-hPNMQg 臺南大學的教授參業者合作研發一台結合AI的機器人，這馬佇國小開始使用，這台機器人 會參你開講，會曉講台語，甚至英語華語也會曉。教授講未來臺語課加一種教學方式，提 升囡仔學母語的意願。（此則新聞標題、導言、內文皆為臺語文。） 我下暗欲請你食暗頓 當然啊 毋過毋是佇厝裡 逐家無看毋著機器人竟然嘛會曉講台語，實在真鑠奅。無論是用台語參機器人開講，抑是 參伊講英文佮中文，只要摸機器人的頭，伊就會詳細聽你講，並且連鞭回答你。這隻不止 仔厲害的機器人初六正式參逐家見面，目前干焦佇臺南仁德國小才看會著。學校共台語課 結合科技，毋但趣味心適，囡仔嘛閣較願意開喙講母語。 臺南市仁德國小學生 會當予我學英語佮臺語 我感覺袂禾黑 臺南市仁德國小學生 這馬上課攏會使用機器人來上啊 感覺足讚的 臺南市仁德國小老師 吳耿良 叫囡仔徛咧講 逐家會歹勢啦 這馬對機器人講話 逐家就會更加有興趣 機器人內底囥入AI的元素，伊就會使參人對話做互動，甚至嘛會曉比動作。毋過，若講較 深的詞，機器人伊回答就會小可仔各樣。臺南大學的教授講，主要因為這台機器的智能目 前干焦國校仔一年仔爾，伊參人仝款攏愛透過練習就會愈來愈輾轉。經過實際的測試，有 7成的正確率。 女媧創造股份公司營運長 張智傑 技術就是ASR會使收音 才閣用NLP抑是大語言模型 予伊會當像大腦按呢思考 落尾有TDS予伊會使講出聲音 這就是阮上基本的架構 國立臺南大學資訊工程系教授 李健興 臺南遐有一台機器處理了 才閣共聲 送轉來到咱仁德國小遮的機器人 透過濟改的練習 咱的機器人會愈來愈厲害 台南大學的教授參科技公司.出版社拚勢用科技推扌束母語，到今總算有成果矣，這種全 新的教學方法，予囡仔有無仝的體驗，未來IN嘛暗算會推廣去各學校，欲予逐家有機會認 捌台語的媠。 洪家馨/編輯 -- ※ 發信站: 批踢踢實業坊(ptt.cc), 來自: 111.255.116.108 (臺灣) ※ 文章網址: https://www.ptt.cc/bbs/Gossiping/M.1701873227.A.D5D.html