[新聞] 高雄青年「龐克」樂團 歌詞全臺語、唱出現代人心情

公視新聞網 https://news.pts.org.tw/article/665936 高雄青年「龐克」樂團 歌詞全臺語、唱出現代人心情 鍾依憓 邱紹揚 / 高雄報導 發布時間：2023-11-09 19:15 更新時間：2023-11-09 19:32 https://www.youtube.com/watch?v=GG3VgWYw5uE 由高雄三位在地青年組成的臺語龐克樂團，鯊魚娃娃機，in成立三年，in的作品也攏唱出 上班青年的心聲，in這擺參加高雄市青年局舉辦的音樂製作計畫，推出新作品欲發表，咱 做伙來欣賞。（此則新聞標題、導言、內文皆為臺語文。） 樂團表演新歌 long time no see 希望有日佮阮來聚集 逐家講起過去的代誌 逐家做伙歡喜 這首歌敢有唱出你的心聲？原本佇學校佮朋友感情誠好，畢業了後辦同學會，朋友煞無來 幾个，in是台語龐克樂團鯊魚娃娃機，這三位青年日時攏是上班族，下班了後就變身樂團 成員，原本in攏是無仝樂團，三冬前才組這支台語龐克樂團，團長表示講，因為龐克音樂 就是熱血的感覺，用台語唱就是有這款氣口。 鯊魚娃娃機團長 游家欽 而且阮是龐克rock 用臺語寫歌會較有彼个power 彼條歌就是欲寫予 你愛珍惜你身軀邊的朋友 後擺你看著伊就愛大聲講 Long time no see 雖然愛情誠重要，毋過人生抑是有更加重要的代誌，這是鯊魚娃娃機歌曲的風格，in三个 人分別是主唱、貝斯手佮鼓手，佮其他樂團的歌曲較無啥仝款，in的歌較倚近生活，毋管 是有關著身體健康抑是以上班族為主題，唱出真濟人的心晟，表演也充滿活力。 鯊魚娃娃機團長 游家欽 阮無想欲寫有愛情的物件 阮就寫較生活 上班 朋友之間的代誌 鯊魚娃娃機上新發表的這首long time no see，是參加青年局舉辦的音樂計畫，由專業的 老師指導完成，這首歌曲欲佇11 12兩工，佇高雄流行音樂中心頭一擺發表，向望逐家做 伙感受台語龐克的魅力。 洪家馨/編輯 -- ※ 發信站: 批踢踢實業坊(ptt.cc), 來自: 111.255.111.143 (臺灣) ※ 文章網址: https://www.ptt.cc/bbs/Gossiping/M.1699543052.A.B22.html