[新聞] 人權館文物展 見證政治受難者佇威權求生存

公視新聞網 https://news.pts.org.tw/article/662825 人權館文物展 見證政治受難者佇威權求生存 郭柏均 張育睿／新北報導 發布時間：2023-10-20 19:15 更新時間：2023-10-20 20:00 https://www.youtube.com/watch?v=A7g_A69bfHw 過去臺灣威權時期，有真濟政治受難者予人關佇火燒島，這寡政治受難者的家屬，有時會 寄批、寄水果、寄藥仔，來幫助in渡過難關；也有一寡受難者，家己會做寡物件，渡過坐 監的時間。這馬，國家人權博物館，當咧展覽這寡物品，予逐家看見in拍拚生存的模樣。 （此則新聞標題、導言、內文皆為臺語文。） 90外歲的政治受難者楊國宇，當咧挨bai-oo-lín，楊國宇會曉挨bai-oo-lín，其實是伊 予人關踮佇咧火燒島的時，佮同齊坐監的政治受難者蘇有鵬學的；甚至閣有受in影響的受 難者陳孟和，佇火燒島家己做bai-oo-lín。 政治受難者 楊國宇 (彼時)真正是足歹過日啦 但是小提琴通予心 較會當 思鄉的心情較會當發揮 逐家咧歇睏的時陣 共人吵著袂使 走去後壁飼豬的豬牢 挨予豬聽 現此時楊國宇、蘇友鵬、陳孟和的bai-oo-lín，攏佇國家人權紀念館展出，人權館現此 時展出政治受難者的物品，也有家屬提供的文物；這寡批、相片、送文件的登記單仔，攏 紀錄in佇威權體制之下，堅定生存的意志。 國家人權博物館館長 洪世芳 真實的故事上感動人 真實的聲音上感動聽 人權館這擺的展覽 頭一擺共濟濟展品展出 會當通事件的時間做結合 來講故事 背後有真濟真正足感動人的故事 咱這个展覽的主題是「天曉之前」 各位前輩應該真通感受著 天欲光進前發生過偌濟代誌 另外，今年9月，政治受難者蔡焜霖食到93歲過身，佇這个展覽猶咧規劃的階段，伊也捌 參與討論，這个展覽，也成做伊上尾一个參與的作品。人權館館長洪世芳，也佇展覽開幕 現場，感謝蔡焜霖先輩長期以來對人權館、對臺灣民主的付出。 熊楚瑜/編輯 -- ※ 發信站: 批踢踢實業坊(ptt.cc), 來自: 111.255.120.73 (臺灣) ※ 文章網址: https://www.ptt.cc/bbs/Gossiping/M.1697898849.A.EA7.html