[新聞] 疑天狗熱防疫空縫 王必勝到安南勞工市場視察

公視新聞網 https://news.pts.org.tw/article/657687 疑天狗熱防疫空縫 王必勝到安南勞工市場視察 李晨宇 / 臺南採訪報導 發布時間：2023-09-19 19:15 更新時間：2023-09-20 08:56 https://www.youtube.com/watch?v=geKwHxB4xPM 天狗熱的疫情敢有法度壓落來，這兩禮拜是關鍵。衛福部次長王必勝下晡也去到臺南安南 區，去看可能是防疫空縫的勞工市場。這個市場是海砂厝，市場內面囤真濟廢棄物，前一 陣衛生局嘛有查著湠病來源，在地民眾也希望趕緊拆掉。（此則新聞標題、導言、內文皆 為臺語文。） 原本鬧熱的市場，這馬哪會變成暗默默，厝體的鋼筋閣看現現，甚至予人圍封鎖線。安南 區勞工市場對200偌攤到今賰4攤，等無人客來，攤商指出，是因為人口老化造成。原本市 場內囤真濟廢棄物，致使若有天狗熱攏會產生孳生源，在地民眾建議愛共建築拆掉抑是做 活化。 在地居民表示，「勾起來做空地仔搭鐵厝租攤販，抑是講賣建商予人去起厝。」 勞工市場攤商講，「欲整頓這上好的啊，若拆了就愛看政府欲按怎處理啊。」 毋過安南區區長表示，市場土地有4个人持有，地主有69徛名。因為產權複雜，一時喊欲 整頓有困難。 安南區區長魏文貴說明，「遮的所有權人一定愛負起相當的責任，袂使講囥佇遐長期無袂 管，造成阮地方防疫嘛好治安嘛好，其實攏增加阮的困難。」 民眾毋但關心市場敢愛拆，有民眾指控藥仔干焦浡厝內，厝外的空地仔圍起來就無浡藥仔 按呢敢有效？ 在地居民講，「你無同齊噴敢有效，你這馬若講噴遮空地仔，遮噴了矣遮噴噴的蠓仔，閣 走入去人的厝內底。」 安富里里長翁健倫說明，「所有的空地仔佮空厝，in會用水式的方式來噴，全部攏會噴過 一改然後包括空地仔攏會希望地主會使參阮加強配合。」 安南區公所表示，目前安富里上百棟的海砂厝佮溪墘里的勞工市場攏已經清好勢矣。工務 局當咧鑑定勞工市場看敢是危險建築，in將會依相關法令來處理。 -- ※ 發信站: 批踢踢實業坊(ptt.cc), 來自: 111.255.105.178 (臺灣) ※ 文章網址: https://www.ptt.cc/bbs/Gossiping/M.1695218810.A.373.html