[新聞] 水上龍德村門牌寫「十一指厝」 臺語音地號名

公視新聞網 https://news.pts.org.tw/article/650953 水上龍德村門牌寫「十一指厝」 臺語音地號名 林緯廷／嘉義報導 發布時間：2023-08-11 19:15 更新時間：2023-08-11 19:52 https://www.youtube.com/watch?v=qFTyOChdmGE 佇嘉義縣水上鄉的龍德村內底，有一寡住宅的門牌寫著的地號名是十一指厝，社區的文史 工作者表示，庄內以前有十一口水井，才會號名十一井厝，毋過日本時代登記的人共發音 聽毋著，才會有這落地號名。（此則新聞標題、導言、內文皆為臺語文。） 社區發展協會的牌匾頂面，寫著龍德社區發展協會佮龍德村辦公室的字，但是邊仔門牌， 認真共看是著寫十一指厝，嘉義縣水上鄉的龍德村，問庄內的人，逐家攏知影這地號名， 煞攏毋知影原因。 水上鄉龍德村民 毋知影咧 古早就按呢號矣 水上鄉龍德村民 知影叫十一指厝 毋知影由來是啥物 嘉義縣水上鄉的龍德社區，過去庄內有十一口井，所以叫十一井厝，後來會變做十一指厝 ，是因為日本時代戶政單位，聽無臺語造成的誤會。 社區文史工作者 林俊男 日本時代 日本統治臺灣辦理戶籍登記 然後畢竟臺灣人佮日本人語言袂通 所以在地人會講十一井厝 日本人可能誤會聽做十一指厝 十一指厝老村長 林茂豐 井佮指仝彼个音差無偌濟 In日本人聽的時陣 聽落講十一指去 水上鄉長 林緗亭 十一井厝 到最後變十一指厝 伊嘛是有伊的歷史背景 地方的一个調查 文化保存的物件應該想辦法用出來 予後一代的人會當知影 家己故鄉的故事 地方文史工作者講，以前的井，這嘛攏已經坉平，所以庄內知影十一指厝由來的人，嘛愈 來愈少。鄉公所表示，雖然較早的井已經坉平，但是這馬庄內閣有寫十一指厝的門牌，希 望透過文史的紀錄佮調查，來保留地方的發展佮故事。 熊楚瑜/編輯 -- ※ 發信站: 批踢踢實業坊(ptt.cc), 來自: 111.255.112.188 (臺灣) ※ 文章網址: https://www.ptt.cc/bbs/Gossiping/M.1691922536.A.D6C.html