[新聞] 棒球比賽輸球 教練煞暴力拍學生頭殼害腦震盪

公視新聞網 https://news.pts.org.tw/article/646914 棒球比賽輸球 教練煞暴力拍學生頭殼害腦震盪 張君豪／新竹報導 發布時間：2023-07-18 19:15 更新時間：2023-07-18 20:02 https://www.youtube.com/watch?v=oz0LikFLzYM 今年一月底，新竹一所國中棒球隊的男教練，疑似因比賽輸球，煞佇教室內底、毋但提冊 揹仔擲學生，而且閣直接拍2名學生頭殼，致使囡仔著傷。暴力的行為攏予監視器翕落來 ，家長知影了後已經告教練，而且要求學校愛共伊開除。（此則新聞標題、導言、內文皆 為臺語文。） 對監視器會當看著教練，佇教室行向學生，毋但提物件擲向學生，閣出拳頭母拇對學生頭 殼拍落去，家屬看著畫面，實在真受氣。 學生家屬 林先生 (學生)準備用餐 教練佇宣布代誌的時陣 照教練的講法是 予拍的囡仔是因為行為不檢 就動手共拍 拍完後閣要求 共佇塗跤的便當吃食落去 (代誌)發生後阮有去驗傷 有檢查出腦震盪 目前家長已經對教練提出告訴，毋過予IN無法度接受的是，代誌發生到今、已經過半年， 學校參新竹縣政府，竟然只有對教練做出停聘6個月的處罰。 學生家屬 林先生 阮的訴求就是解聘(教練) 解聘的部分就是伊(教練)無適任 因為伊已經做出違法的代誌 新竹縣教育局副局長 蔡淑貞 社會處佇5月19依照兒少權法罰6萬 而且經過教練審查會議 決議予教練停聘6個月處分 停聘的期間阮會要求學校 針對學生進行諮商輔導的協助 包括教練嘛需要參加班級經營 等等相關培訓的課程 新竹縣教育局指出，代誌發生了後，教練就停止上課，接受調查。自今仔日開始，按算會 先停止聘用半年，教育局嘛會要求學校嚴格督導，毋通予不當管教的代誌閣發生，這名教 練停聘期滿，嘛袂閣予伊去學校教，會調去縣府，協助處理棒球相關的業務。 熊楚瑜/編輯 -- ※ 發信站: 批踢踢實業坊(ptt.cc), 來自: 111.255.132.165 (臺灣) ※ 文章網址: https://www.ptt.cc/bbs/Gossiping/M.1689686724.A.DAD.html