[新聞] 全國第一間臺語實驗小學 路竹某間國校試辦

公視新聞網 https://news.pts.org.tw/article/689722 全國第一間臺語實驗小學 路竹某間國校試辦 發布時間：2024-04-10 19:15 更新時間：2024-04-10 20:01 鍾依憓 邱紹揚 高雄報導 https://www.youtube.com/watch?v=-mueS-tSQ8A 高雄市欲成立全臺灣第一間台語實驗小學，這个消息引起真濟母語家庭的討論。高雄市教 育局會選路竹這間國小，是因為學區的居民佮囡仔主要攏是講台語，所以家長大多數也誠 支持學校轉型做台語小學，這馬就愛等學校的校務會議通過，才會正式對外公佈。 高雄路竹一間國小予教育局初步選定，欲佇遮成立全臺第一个台語實驗小學，蹛佇附近的 家長大多數攏表達支持。 這間學校，目前學生攏總有六十外位，社區居民表示講，遮的囡仔攏是佮阿公阿媽蹛做伙 ，自然會曉講台語，這學期全校的學生本土語課程攏是選台語，這馬成立台語實驗小學的 消息傳出來，已經有母語家庭的家長準備欲共囡仔送來遮讀冊。 未來台語實驗小學，所有課程攏用臺語上課，有家長會煩惱，比如講數學、自然課，用台 語敢會教袂好勢，台語老師認為講，若是拄著專有名詞，會當用華語來解釋，主要愛營造 全台語的環境，予學生開喙講台語。 教育局表示，本土教育委員會揣真濟間學校評估，才選定路竹的這間學校，毋過猶是愛等 學校校務會議通過，才會對外公佈，按算明年高雄的台語實驗學校，就會當正式開課。 張曼亭/編輯 -- ※ 發信站: 批踢踢實業坊(ptt.cc), 來自: 111.255.135.22 (臺灣) ※ 文章網址: https://www.ptt.cc/bbs/Gossiping/M.1712760848.A.316.html