[新聞] 政府推母語共學補助 母語團體怨嘆限學校申請

公視新聞網 https://news.pts.org.tw/article/687661 政府推母語共學補助 母語團體怨嘆限學校申請 發布時間：2024-03-28 19:15 更新時間：2024-03-29 08:31 https://www.youtube.com/watch?v=jYW3KDkojEU 欲提升台語人口，增加母語家庭是上緊的，立委要求文化部愛緊提出做法。像台語路協會 有招一陣母語家庭做伙共學、創造母語環境。in表示，目前上大的困境是台語資源真少， 攏愛靠家己。雖罔教育部有委託各縣市，執行母語共學的補助計畫，毋過協會指出，像台 北市干焦開放學校申請，真正咧做母語共學的民間團體抑是母語家庭，攏無法度申請著補 助。(本則新聞標題、導言、內文皆為台語文) 家長用台語讀繪本，一陣囡仔聽甲真入迷。台語路協會表示，目前佇北部已經有200外 个台語家庭參與共學。為著欲增加母語家庭、鼓勵共學，教育部有委託各縣市執行「親子 共學母語的計畫」，毋過協會表示，遮的補助實際上對母語家庭來講，根本看會著、食袂 著。 台灣台語路協會理事長 董力玄：「台北市干焦開放予學校，會使去申請辦理按呢的活動 ，阮攏是愛靠家己的氣力，家己招共學、家己揣場所，甚至欲揣老師嘛是愛家己開資源， 去替囡仔創造台語的環境」 協會理事長表示，濟濟共學家庭愛開足濟氣力來創造台語的環境，但是縣市政府的補助辦 法，實際上無法度直接幫助著母語共學家庭的運作。有家長以家己的經驗指出，比起學校 的活動抑是課程，伊的囡仔顛倒咧共學團愈自在、願意講台語的效果嘛較長遠，向望政府 的資源愛用佇著的所在。 台語家庭共學家長 陳威達：「因為進前捌參加過這个共學，我就閣轉來試看覓，結果來 遮了伊(囡仔)加足自然的。台語的資源、台語的啥物，其實攏咧政府的手頭，伊會使做的 代誌是咱的幾若倍」 政府提供補助的目的，就是希望母語會當傳承落去，台語路協會希望講這个補助，未來若 會使予民間團體抑是母語家庭來申請，按呢台語共學才通有久長的運作。 張曼亭/編輯 -- ※ 發信站: 批踢踢實業坊(ptt.cc), 來自: 111.255.114.214 (臺灣) ※ 文章網址: https://www.ptt.cc/bbs/Gossiping/M.1711715627.A.6B9.html