[新聞] 追思湯德章 臺南第一个"不義遺址"標示揭牌

公視新聞網 https://news.pts.org.tw/article/685222 追思湯德章 臺南第一个"不義遺址"標示揭牌 發布時間：2024-03-13 19:15 更新時間：2024-03-13 19:40 李晨宇 / 採訪報導 https://www.youtube.com/watch?v=IdzeKtk5HOU 佇228事件當中，予國民黨政府銃決的律師湯德章，到今也過身77年。湯德章紀念協會舉 辦追思紀念會，也佇湯德章紀念公園設臺南頭一个「不義遺址標示」。特別是湯德章老爸 出世的所在，日本宇土市的市長，嘛tshuā團來遮感念湯德章，協會也希望有閣較濟人會 當來了解這段歷史。 臺南頭一个由國家人權博物館設的「不義遺址標示」，這陣設踮臺南市中心的湯德章紀念 公園，頂頭寫著「若一定愛有罪人，那按呢我一个人就有夠矣」，這是湯德章的遺言。3 月13是湯德章律師過身77週年，協會辦追思紀念會，頭擺有日本的市長到場來獻花，嘛有 真濟濟民眾特別來感念伊守護臺灣偉大的精神。 民眾表示：「為著誠濟少年朋友，徛出來犧牲家己，這種的精神不管是啥物時代，攏是咱 臺灣人上蓋需要的。」 民眾表示：「捌有朋友共我講228是咧騙人的，我心內足憤慨，已經參加這場是第三場矣 ，希望逐家會當知影228的事件，是真的毋是假的。」 臺南市湯德章紀念協會理事長黃建龍表示：「因為宇土市是湯德章的爸爸，是坂井德藏出 世的所在，而且坂井德藏的家族知影這个代誌了後，真積極欲來參與，終算佇今年40人的 團體來參加。」 湯德章佇228時，維護臺南的治安，尾手煞予人依叛亂罪共銃殺，這陣猶是真濟人講袂出 這段歷史。現場發表「看見湯德章」新冊，嘛有導演宣布「走揣湯德章」電影，這個月15 連鞭欲播送的消息，通予眾人看著湯德章的勇氣佮堅持正義的心。 "尋找湯德章"導演黃銘正表示：「每一刻咱攏咧寫歷史，啊咱敢會使記起湯德章，佮老爸 的歷史教訓，若講閣有後一擺，臺灣人應該愛按怎決定咱家己的未來，我感覺這是影片， 上想欲予逐家知影的。」 為著共人權教育向下釘根，市府串連參湯德章相關的人權歷史場址，攏總設6个「正義佮 勇氣之路」的標示牌，提供逐家走讀歷史場景，嘛希望逐家疼惜民主自由的價值。 陳玟芯/編輯 -- ※ 發信站: 批踢踢實業坊(ptt.cc), 來自: 111.255.136.109 (臺灣) ※ 文章網址: https://www.ptt.cc/bbs/Gossiping/M.1710337928.A.488.html