※ 本文轉寄自 ptt.cc, 文章原始頁面
[新聞] 臺南「聽障行車友善貼紙」提醒用爍燈代替喇叭
公視新聞網 https://news.pts.org.tw/article/674762
臺南「聽障行車友善貼紙」提醒用爍燈代替喇叭
李晨宇 / 臺南採訪報導
發布時間:2024-01-04 19:15 更新時間:2024-01-05 08:39
https://www.youtube.com/watch?v=sEg4tAeCH0c
聽障者佇社會當中,因為無聽覺,誠無方便,也比較較危險。臺南市社會局特別製作「聽
覺障礙者行車友善貼紙」,欲提供予聽障者、通貼佇汽機車頂懸,除了提醒民眾會當加寡
注意,社會局建議、也會當用爍燈的方式來代替揤喇叭。(此則新聞標題、導言、內文皆
為臺語文。)
駛車對一般的人來講可能真簡單,毋過對聽障朋友來講,就愛克服聽覺損害蹛來的無利便
。臺南市聽障體育運動協會講,in駛車出去定因為無聽著汽車的喇叭聲,致使受著無蓋友
善的對待。臺南市社會局為著改善按呢的情形,結合交通局印「聽覺障礙者行車友善貼紙
」,藉此除了提醒用路人愛加一份注意,社會局嘛建議逐家會當用爍燈的方式代替喇叭聲
。
臺南市聽障體育運動協會常務理事陳治年表示,「我咧駛車攏無聽著毋知影停佇咧遐,真
濟人攏讓路矣,足濟人攏咧看我因為車咧爍燈,而且一直叭叭叭阮攏聽袂著,逐家一直看
我感覺我足奇怪。」
手語翻譯員梁瑪利講,「予咱的民眾知影講,這車就是阮聽障咧駛,會使佇較友善的社會
裡面駛車。」
根據了解,臺南到今領有身心障礙證明的攏總九萬偌人,其中聽覺障礙者佔1萬322个。依
照交通部的規定,聽覺障礙者猶是會使考汽機車的駕照。只是雄雄若有緊急狀況,in無聽
著聲音,無法度馬上閃予人過。這改社會局in參考日本的做法,做貼紙發放予聽障的朋友
,予in通貼踮汽機車頂懸,藉此降低in咧駛車的困擾。
臺南市社會局身心障礙福利科科長講洪筱涵,「希望用這个圖來標示,聽覺障礙的民眾咧
駛車,佇這个部分,因為聽障者in其實足歹注意著,像較捷看的消防車、救護車,閣有警
察車的警鳴聲,所以阮佇遮就用一个爍燈的提醒動作。」
行車友善貼紙目前除了會使去市政府申請,另外各區公所嘛有提供申請的服務。社會局講
,向望眾人會使將心比心,友善對待聽障朋友。
洪家馨/編輯
--
※ 發信站: 批踢踢實業坊(ptt.cc), 來自: 111.255.142.67 (臺灣)
※ 文章網址: https://www.ptt.cc/bbs/Gossiping/M.1704467672.A.38D.html
25 則留言
CCY0927 作者的近期文章
[新聞] 金曲35入圍公佈 翁立友、許富凱閣爭台語歌王
公視新聞網 https://news.pts.org.tw/article/695431 金曲35入圍公佈 翁立友、許富凱閣爭台語歌王 發布時間:2024-05-16 19:15 更新時間:2024-05-17 08:38 郭柏均 林郁凱
[新聞] 高雄瑞隆路新畫人行道 煞予機車違規占滿滿
公視新聞網 https://news.pts.org.tw/article/693783 高雄瑞隆路新畫人行道 煞予機車違規占滿滿 發布時間:2024-05-07 11:59 更新時間:2024-05-07 13:49 鍾依憓 邱紹揚 /
-32Gossiping
[新聞] 立委要求教育部 著共「閩南語」改做「臺灣台語」公視新聞網 https://news.pts.org.tw/article/693269 立委要求教育部 著共「閩南語」改做「臺灣台語」 發布時間:2024-05-02 19:15 更新時間:2024-05-03 08:21 呂尚儒 莊浚佑
[新聞] 文化部鼓勵台語表演 今年有79團申請著補助
公視新聞網 https://news.pts.org.tw/article/692135 文化部鼓勵台語表演 今年有79團申請著補助 發布時間:2024-04-25 19:15 更新時間:2024-04-26 08:27 https://w
[新聞] 火金蛄生湠狀況好 後禮拜是欣賞的上好時機
公視新聞網 https://news.pts.org.tw/article/691253 火金蛄生湠狀況好 後禮拜是欣賞的上好時機 發布時間:2024-04-19 19:15 更新時間:2024-04-19 19:44 張君豪 / 新竹報導
[新聞] 白色恐怖記憶日影展 tshuā大眾認捌威權時代歷史
公視新聞網 https://news.pts.org.tw/article/691260 白色恐怖記憶日影展 tshuā大眾認捌威權時代歷史 發布時間:2024-04-19 19:15 更新時間:2024-04-19 19:42 呂尚儒 莊
→
→
→
推
→
噓
推
推
→
推
推
推
→
→
→
噓
→
→
→
→
→
→
噓
推
→