[新聞] 檢視總統辯論會 事實查核中心提供調查報告

公視新聞網 https://news.pts.org.tw/article/674372 檢視總統辯論會 事實查核中心提供調查報告 呂尚儒 莊浚佑 / 臺北報導 發布時間：2024-01-02 19:15 更新時間：2024-01-02 19:55 https://www.youtube.com/watch?v=lDNOy_KJtNA 選舉愈來愈熱，總統、副總統候選人的政見發表會辦煞、頂日仔閣有辯論會，講著的議題 是百百款，資訊量是真大，但是候選人講著的遮的統計、數字、比較、到底敢著？抑是揀 對家己有利的講？台灣事實查核中心佇這場選舉當中，有結合專家、學者佮記者，針對這 寡政治人物講過的話，佮引用的資料；進行事實調查，發現三黨的總統候選人，猶是會揀 、對家己有利的部份、去講爾爾。（此則新聞標題、導言、內文皆為臺語文。） 2024總統、副總統候選人的政見發表會佮辯論會攏已經結束，辯論會的議題百百款，為著 欲防止不實的消息影響選舉，嘛欲予民眾了解遮的政治人物講的話，敢是誠實的？台灣事 實查核中心結合專家、學者佮記者，針對候選人引用的資料，去進行事實調查，發現三黨 的總統候選人，猶是會揀對家己有利的部份去講爾爾。 台灣事實查核中心執行長 邱家宜 無中生有的攏較無這款情形 猶毋過伊就是講有片面事實 一部份是真的 毋過伊就是共講甲較膨風 對家己較有利 彼是定定有這款的情形 實在的政治文化是無簡單啦 毋過因為阮有佇遮咧顧 逐家就會較小心淡薄仔 民主國家的選舉，大大牽涉著對未來的發展，台灣事實查核中心表示，怹有設立選舉專區 ，除了針對辯論會有做查核，今年選戰期間，嘛有針對候選人的政見佮言論，刊出調查報 告，網路攏看會著。目前雖然民眾對遮的查核報告猶無啥知影，毋過攏有正面的肯定。 民眾 基本上就看逐个無仝立場的（新聞）頻道 閣去看一下按呢 我感覺有多方的平台當然是有幫助 當然這个平台提供的真實性 猶是愛去了解一下按呢 民眾 一般（政治人物）的內容無完全是講 攏是正確的 但是有經過調查閣來予逐家知影 內容的真實面按呢是較好 台灣事實查核中心表示，紲來會閣共副總統辯論會的查核報告囥起去，提供的報告嘛願意 接受全民的檢視和挑戰。怹向望講透過遮的內容，培養公民社會事實調查的意識，同齊來 監督候選人，予臺灣的政治文化會當愈來愈好。 洪家馨/編輯 -- ※ 發信站: 批踢踢實業坊(ptt.cc), 來自: 111.255.108.23 (臺灣) ※ 文章網址: https://www.ptt.cc/bbs/Gossiping/M.1704205519.A.C7F.html