[新聞] 真理大學台文系風聲欲停招 師生發起連署反對

公視新聞網 https://news.pts.org.tw/article/673291 真理大學台文系風聲欲停招 師生發起連署反對 呂尚儒 林郁凱／臺北報導 發布時間：2023-12-26 19:15 更新時間：2023-12-26 19:50 https://www.youtube.com/watch?v=MmgREjrfZtU 最近傳出全台灣頭一个臺文系，真理大學的台文系欲收起來，引起真濟臺文系所老師佮學 生的關注。就有學生老師發起連署，認為若準真正欲停止招生，會去打擊著臺灣意識。有 學者認為，學生的出路會影響著招生，系所課程的安排，就愛考慮著就業市場的需要。（ 此則新聞標題、導言、內文皆為臺語文。） 最近傳出真理大學臺文系欲停招的消息，嘛有學生發起連署，連署書內底寫著臺文系拍算 佇114學年停止招生。身為臺灣第一个臺灣文學系欲停招，對濟濟臺文界的老師和學生來 講攏是誠大的衝擊，創系的前系主任張良澤，和在學的學生攏表示反對。 真理大學臺文系創系系主任 張良澤 臺文系是一種象徵性的物件 你對臺灣人的臺灣魂的打擊會真大 招生有問題 少子化當然這是一个問題 但是你若內容真充足 教師的內容真堅強 臺灣人應該會真重視這个系的存在 張良澤呼籲現任系主任，應該愛向校方堅持反對停招的立場。其實2011年就有中山醫學大 學臺文系停招、收掉的例，往過捌做過系主任的何信翰教授表示，事實上私立大學決定敢 欲停招的權責單位是學校的董事會咧搦權，伊認為目前臺文系所拄著的上大問題就是學生 的出路，會直接影響著招生。 臺中教育大學臺語系副教授 何信翰 社會上臺灣語文相關工課愈來愈濟 但是你這个系所咧教的內容 抑是講這个系所的方向走向 是毋是會當符合社會的需求 你這馬大學嘛愛思考講 我有啥物特色 我佮類似的對手比起來 我佮仝性質的系所比起來 我有啥物特色 何信翰指出目前和臺文相關的工課，除了做老師以外，閣有影視產業、出版、廣告，遮的 缺攏有咧增加，毋過攏較注重臺語的語言應用，但是毋是所有臺文系所攏偏向語言的訓練 ，伊認為真理臺文會拄著停招的問題，除了囝生少，嘛和系裡經營的面向有關係。 熊楚瑜/編輯 -- ※ 發信站: 批踢踢實業坊(ptt.cc), 來自: 111.255.149.116 (臺灣) ※ 文章網址: https://www.ptt.cc/bbs/Gossiping/M.1703600692.A.B9F.html