[新聞] 高雄輕軌袂當讀臺語？ 網友寄市府批桶喝改正

公視新聞網 https://news.pts.org.tw/article/681632 高雄輕軌袂當讀臺語？ 網友寄市府批桶喝改正 發布時間：2024-02-20 19:15 更新時間：2024-02-20 19:30 鍾依憓 邱紹揚 / 高雄報導 https://www.youtube.com/watch?v=tSQYChedPYs 針對高雄捷運的廣播無共輕鐵這个詞用臺語講出來，網路頂頭討論甲真烈，也有網友呼籲 逐家愛寫批去高雄市政府，要求改做臺語廣播，今仔日高雄市長陳其邁有回應，伊講伊誠 關心這个議題，也強調伊就是大眾運輸工具播音語言平等相關法律的立法人。今仔下晡高 雄捷運也宣佈願意接受建議，會用臺語來讀輕鐵這兩字。（此則新聞標題、導言、內文皆 為臺語文。） 最近高雄輕鐵台語的講法引起真濟討論，對此高雄市長陳其邁表示，伊誠關心這个議題， 也強調大眾運輸工具播音語言相關法律的立法人，就是伊，所以市府已經要求高捷公司愛 閣討論。 高雄市市長 陳其邁 我有叫捷運公司研究看覓 看到底這个母語 台語到底是按怎講 因為立法院 大眾運輸工具語言公平使用法 立法人就是我 所以我誠關心 市長陳其邁總算是表達立場，因為台灣師範大學台文系也發出聲明，呼籲高市府，愛實踐 法律的立法精神，這馬也有網友發起一人一批，呼籲逐家寫批到高雄市政府佮高捷公司批 桶，希望會當使用輕鐵等等的台語詞。 對囡仔講台語家長 李孟真 阮所有人應該攏愛有語言平權的概念 所有的語言攏無分大細 政府公部門應該愛實踐 國家語言發展法語言平等的精神 各界對高雄捷運台語播音的討論不斷，高捷公司20下晡回應，確定會接受建議，將華語輕 軌改唸做台語輕鐵。 高雄捷運公司公共事務處處長 王柏雁 有關廣播內 輕軌這个詞 原本是干焦採用華語發音 欠臺語發音 各界寶貴建議 高雄捷運公司會配合修改 高捷公司表示，真濟專家學者建議會當唸做輕鐵，in願意配合修改，目前已經安排人員錄 音，按算這幾工就會當完成全台語、全客語的播音。 洪家馨/編輯 -- ※ 發信站: 批踢踢實業坊(ptt.cc), 來自: 111.255.129.105 (臺灣) ※ 文章網址: https://www.ptt.cc/bbs/Gossiping/M.1708436643.A.419.html