[新聞] 高雄民眾放貓仔顧厝 貓煞揤著電磁爐引火災

公視新聞網 https://news.pts.org.tw/article/661547 高雄民眾放貓仔顧厝 貓煞揤著電磁爐引火災 鍾依憓 邱紹揚 / 高雄採訪報導 發布時間：2023-10-12 19:15 更新時間：2023-10-12 19:33 https://www.youtube.com/watch?v=yjPTUisLpQg 佇高雄有兩个查某民眾飼四隻貓，今年初主人到北部耍，厝內的貓仔因為揤著電仔爐的開 關，煞引起火災，雖然濺水系統有隨噴水，毋過也造成大樓電梯的損害，目前這兩名民眾 也予檢方依照失火罪起訴。（此則新聞標題、導言、內文皆為臺語文。） 貓仔誠輕鬆會當對灶跤遮爾懸的所在跳落來，佇高雄有兩名查某，in做伙飼四隻貓咪，今 年1月主人到北部耍，厝內底的貓咪煞揤著電磁爐的開關，引起火警，好加哉大樓戽水系 統啟動，才無造成較大的傷害，毋過煞害大樓四台電梯攏歹去，仝一棟大樓住戶是誠不滿 。 住戶 頂面是無爐具 毋過頂面有一个板子 無一定是不是隔熱加熱板 有一寡人為著莫換大量的鍋具 所以下底買一个較俗的導熱板 大樓主委 李主委 連彼个鋼索攏泡水 會有鏽蝕的問題 一寡電子的設備 伊那个攏無防水 一磕著水就需要換掉 根據住戶實際試驗，因為這馬IH爐攏是做感應面枋，有溫度的狗仔佮貓仔確實誠簡單就會 揤著開關，這馬小家庭愈來愈濟，真濟民眾攏會選擇IH爐使用，電器業者就提醒民眾，使 用煞，愛會記得將插頭拔起來，才袂發生事故。 電器業者 除非你逐擺用煞攏要拔插頭 像這種你無拔插頭 無小心揤著開的話 這旁你無囥不鏽鋼上去是無熱的 袂有任何啟動 只會嗶嗶嗶爾爾 目前這兩位查某嘛予檢方依失火罪起訴，雖然這馬大樓兩台電梯修理煞，毋過閣有兩台猶 歹去，大樓管委會當咧佮住戶繼續協調處理。 洪家馨/編輯 -- ※ 發信站: 批踢踢實業坊(ptt.cc), 來自: 111.255.148.186 (臺灣) ※ 文章網址: https://www.ptt.cc/bbs/Gossiping/M.1697120462.A.565.html