[新聞] 臺北大同建案 疑似造成附近厝宅趨斜必巡

公視新聞網 https://news.pts.org.tw/article/660445 臺北大同建案 疑似造成附近厝宅趨斜必巡 郭柏均 張育睿 / 台北報導 發布時間：2023-10-05 19:15 更新時間：2023-10-05 19:43 https://www.youtube.com/watch?v=iNPfKV6Iefw 臺北市大同區有一个建案對舊年初開始施工，附近居民就一直反應講in厝受著建案的影響 ，出現必巡、歪斜遮的情形。頂個月28閣有居民發見工地內底的連續壁有破去的狀況，煩 惱受建案牽連的事故會閣出現。（此則新聞標題、導言、內文皆為臺語文。） 大同區建案周邊居民 尾矣in來做 我咧講 厝哪會按呢 壁頂每一條必巡，攏用紅筆畫起來，密喌喌敢若結蜘蛛絲；佇咧亭仔跤的壁，閣有比手機 仔較大縫的必巡。居民講，這間大同區的厝已經蹛2、30年，到舊年初、附近開始做建案 才出現這寡情形。而且伊的厝邊，也有狀況。 大同區建案周邊居民 周先生 排水空變按呢 居民周先生講，工程開始了後，樓跤的柱仔、敢若戳起來到in兜，共in厝內的排水孔窒牢 的。 大同區建案周邊居民 周先生VS建商 干焦這个排水空 這支há-lih (梁柱) 你欲按怎共我創 你咧講就講咱這个排水空 há-lih托出來 這敲敲咧 水會流落按呢就好矣 周邊居民閣發見、建案工地內的連續壁，敢若有破去的狀況。就驚大直人家厝塌落的事故 閣再出現，有立委趕緊參內政部、台北市政府共同會勘。 大同區建案周邊居民 9/28阮就發見in工地的人咧巡 一直咧看塗跤 看完了後 in也一直攏無處理 一直到阮7 8工矣 阮通報建管處了後 in才趕緊去灌khōng-ku-lí 大地工程技師公會理事 趙衛君 現此時 現況就是有漏水 看起來流出來的水是清水 看起來是無共基地外口的塗沙 沖入來的狀況 立委講，會勘有發見居民翕著的必巡，目前已經補起來矣，但是猶有滲水的狀況。會參內 政部、台北市政府、佮專家學者、大地技師公會或者是土木技師公會共同研議，看按怎改 善。 洪家馨/編輯 -- ※ 發信站: 批踢踢實業坊(ptt.cc), 來自: 111.255.140.223 (臺灣) ※ 文章網址: https://www.ptt.cc/bbs/Gossiping/M.1696513527.A.DF6.html