[新聞] 麻豆消防隊研發「血管影像機」 提懸注射成功率

公視新聞網 https://news.pts.org.tw/article/654375 麻豆消防隊研發「血管影像機」 提懸注射成功率 李晨宇 / 臺南採訪報導 發布時間：2023-09-01 19:15 更新時間：2023-09-01 19:43 https://www.youtube.com/watch?v=UPAyVVJIrtQ 消防局的麻豆分隊研發小組in家己研發全臺唯一的「第一代注射血管顯像自組練習機」， 手只要囥入機器內，逐條血管會當看現現。除了實際提去救護車頂懸使用，提升注射的成 功率，嘛袂因為撞袂著血筋，加撞幾落改。（此則新聞標題、導言、內文皆為臺語文。） 這个濟歲人因為無爽快予人送入救護車，救護人員欲共注射時，煞發現伊血筋真亻惡揣， 馬上提注射血管的顯像機器來鬥相共，大大減少揣血筋的時間佮提懸注射的成功率。這台 全台獨一無二的機器，是台南消防麻豆中隊研發的。外型用黑色的布來閘光，內底用紅外 線來投射。消防局表示，手只要囥入機器內，逐條血管看甲清清楚楚。 臺南市消防局第二大隊麻豆中隊長 廖鼎鈞 阮經過一冬的開發一直咧做測試 這台的開發予阮消防人員 普遍的回應講成效攏真好 增加阮同事的注射的信心 消防局開一萬箍買材料，才閣轉來家己組合。消防局指出，經過真濟改的改良變甲真便利 ，消防人員平常日會提機器來做練習，這馬閣兼會使提去救護車做使用。病院仝款嘛有引 進相關的機器，病院講，若是有較深層的血管，IN就改用超音波。 奇美醫院急診室副護理長 吳柏勳 其實困難靜脈注射的案例相對較少 應該20例內底有1例袂遮爾懸 這个物件是會使協助阮提升注射的成功率 毋過伊毋是一个保證 根據台灣兒科醫學會資料顯示，幼囝若欲抽血佮注射攏並大人較困難，這馬消防局病院攏 已經有相關機器，增加救護技術的能力。 洪家馨/編輯 -- ※ 發信站: 批踢踢實業坊(ptt.cc), 來自: 111.255.100.157 (臺灣) ※ 文章網址: https://www.ptt.cc/bbs/Gossiping/M.1693661997.A.DCC.html