※ 本文轉寄自 ptt.cc, 文章原始頁面
[新聞] 臺南1禮拜添千例天狗熱 今已經累積3千外例
公視新聞網 https://news.pts.org.tw/article/654170
臺南1禮拜添千例天狗熱 今已經累積3千外例
李晨宇 / 臺南採訪報導 發布時間:2023-08-31 19:15 更新時間:2023-09-01 09:13
https://www.youtube.com/watch?v=gjcUJM_a-UM
天狗熱疫情繼續煏,臺南市確診數干焦一禮拜就增加欲一千例,其中安南區疫情嚴重,公
所也講IN懷疑這寡無人蹛的海砂厝內面囤規堆糞埽會生蠓,是疫情袂收煞的因素之一,目
前有加強消毒佮摒掃。另外佇30這工,臺南有30位老師佮學生因為確診無來學校,教育局
表示有加強宣導,逐工嘛會整理校園。(此則新聞標題、導言、內文皆為臺語文。)
環保人員當咧分類大量的廢器物,這攏是對海砂厝內底款出來欲擲的。臺南安南區有上百
棟的海砂厝,因為長期無人管理,定予人黑白囤物件囤共規厝間。天狗熱猶是壓袂落來,
區公所懷疑海砂厝是因起天狗熱的因素之一,所以趕緊針對里內的海沙厝等高風險的所在
,加強消毒佮摒掃。
臺南市安南區區長魏文貴表示:「海砂厝國產署管理的攏總有44間,伊已經回報攏處理好
矣,但是阮今仔日明仔載會閣去檢查,若講清無清氣阮會閣要求閣處理」
在地居民:「浡浡的較緊死上好啦,攏嘛對這臭溝仔起來的,啊藥仔浡較重的內底就會無
蠓仔。」
來到安南區的勞工市場,一格一格的攤位無人,市場仝款囤一堆,就驚天狗熱湠袂煞,公
所攏共款好勢矣。臺南市確診數干焦一禮拜的時間就增加欲一千例,甚至開學彼工,30个
師生因為著天狗熱請假無來。教育局表示,有請教師上課時加強宣導,做好防蠓仔的措施
。
臺南市海東國小學生:「逐工透早來學校攏會去前門後露台,就是做巡倒清鑢四个動作」
臺南市海東國小學生:「平常時阮攏會浡防蠓仔水,防止蠓仔來共阮叮。」
化學兵peh懸peh低,發現病例就馬上進行化學防治、臺南市已經連紲八工,確診病例攏超
過百例,目前猶閣四界湠。
洪家馨/編輯
--
※ 發信站: 批踢踢實業坊(ptt.cc), 來自: 111.255.100.157 (臺灣)
※ 文章網址: https://www.ptt.cc/bbs/Gossiping/M.1693578549.A.FF8.html
22 則留言
CCY0927 作者的近期文章
[新聞] 駁二展出經典báng-gà 重現早期尪仔冊店氣氛
公視新聞網 https://news.pts.org.tw/article/697707 駁二展出經典báng-gà 重現早期尪仔冊店氣氛 發布時間:2024-05-30 19:15 更新時間:2024-05-31 08:29 鍾依憓 邱紹
[新聞] 青鳥行動萬人會齊 學界調查了解民眾資訊來源
公視新聞網 https://news.pts.org.tw/article/697508 青鳥行動萬人會齊 學界調查了解民眾資訊來源 發布時間:2024-05-29 19:15 更新時間:2024-05-30 08:37 呂尚儒 莊浚佑 /
[新聞] 明仔載鋒面離開臺灣 禮拜進前雨會漸漸轉和
公視新聞網 https://news.pts.org.tw/article/696561 明仔載鋒面離開臺灣 禮拜進前雨會漸漸轉和 發布時間:2024-05-23 19:15 更新時間:2024-05-23 19:36 https://ww
[新聞] 雄中甄選台語專任教師 69个報名、煞無人錄取
公視新聞網 https://news.pts.org.tw/article/696168 雄中甄選台語專任教師 69个報名、煞無人錄取 發布時間:2024-05-21 19:15 更新時間:2024-05-22 08:25 鍾依憓 邱紹揚
[新聞] 金曲35入圍公佈 翁立友、許富凱閣爭台語歌王
公視新聞網 https://news.pts.org.tw/article/695431 金曲35入圍公佈 翁立友、許富凱閣爭台語歌王 發布時間:2024-05-16 19:15 更新時間:2024-05-17 08:38 郭柏均 林郁凱
[新聞] 高雄瑞隆路新畫人行道 煞予機車違規占滿滿
公視新聞網 https://news.pts.org.tw/article/693783 高雄瑞隆路新畫人行道 煞予機車違規占滿滿 發布時間:2024-05-07 11:59 更新時間:2024-05-07 13:49 鍾依憓 邱紹揚 /
-32Gossiping
[新聞] 立委要求教育部 著共「閩南語」改做「臺灣台語」公視新聞網 https://news.pts.org.tw/article/693269 立委要求教育部 著共「閩南語」改做「臺灣台語」 發布時間:2024-05-02 19:15 更新時間:2024-05-03 08:21 呂尚儒 莊浚佑
→
→
→
→
推
推
噓
→
噓
噓
推
推
→
→
→
→
→
噓
→
→
→
推