[新聞] 政大書城決定繼續營運 臺南文化局：買冊支持

公視新聞網 https://news.pts.org.tw/article/651888 政大書城決定繼續營運 臺南文化局：買冊支持 李晨宇 / 臺南採訪報導 發布時間：2023-08-17 19:15 更新時間：2023-08-17 19:39 https://www.youtube.com/watch?v=tZL8tAWYe1s 政大冊城進前傳出花蓮、台南店8月底欲停業的消息，引起各界討論。這馬政大冊城最新 公告講欲繼續營運落去。毋過實體冊店面對網路的衝擊，政大冊城的創辦人李銘輝表示冊 店未來愛轉型，台南市文化局表示會共冊店買新冊、推廣閱讀來支持實體冊店。（此則新 聞標題、導言、內文皆為臺語文。） 徛佇冊櫃頭前掀家己興趣的冊，原本政大冊城台南佮花蓮店，傳出月底欲關起來，各界攏 真關心，嘛予in真濟鼓勵，這馬冊店決定欲繼續經營落去，嘛推出全館73折的優惠予人客 。政大冊城的創辦人李銘輝表示，冊店多元經營是未來的趨勢，嘛一定愛轉型。若繼續惡 化落去攏無改善，伊估計全台冊店會關到賰250間。 聲音來源：政大書城董事長 李銘輝 就是愛扌臭近人佮人之間的距離 閣較捷辦一寡作者抑是議題性的對談 就是作者佮讀者之間應該愛有心靈上的溝通 民眾 希望伊繼續佇咧伊其實 毋敢若是買冊的商業行為 閣會使提供這个城市的風景 民眾 上主要嘛是愛營造臺南市民的閱讀環境 面對數位時代，實體冊店足歹做生利，臺南市文化局嘛用行動支持業者，往過圖書館若欲 買大量的新冊，就愛公開招標委託代理商來訂冊，來來回回愛兩個月，這個月開始，文化 局共無仝的實體冊店買一寡冊幫助in維持落去。另外嘛會安排各領域的頭人，tshuā民眾 踅冊店買冊。 臺南市文化局長 謝仕淵 一方面予冊的主題清楚 嘛有推閱讀的效果 另一方面阮嘛加速買新冊的速度 會使實際挹注冊店營收佮經營 目前臺南實體冊店有52間，文化局指出，冊店是城市重要的文化空間佮人文場所，in計畫 未來會以閱讀推廣佮活動，參冊店合作。 洪家馨/編輯 -- ※ 發信站: 批踢踢實業坊(ptt.cc), 來自: 111.255.122.32 (臺灣) ※ 文章網址: https://www.ptt.cc/bbs/Gossiping/M.1692282852.A.5C1.html