[新聞] 賣一級毒品濟少攏判死、無期徒刑 適用上

賣一級毒品濟少攏判死、無期徒刑 適用上違憲 2023-08-11 19:15 公視 郭柏均 張育睿 臺北報導 一級毒品對咱人危害真大，目前法令有明定「賣一級毒品，判死刑或者是無期徒刑」。今仔日憲法法庭認為賣毒品就對無期徒刑開始判，無考慮著案情的輕重，違反比例原則，宣告「適用上違憲｣，要求相關機關佇2年內修法。（此則新聞標題、導言、內文皆為臺語文。） 2017年，嘉義ㄧ个姓黃的查埔人，以800箍賣一級毒品海洛因，予人判16年。根據毒品危害防制條例第四條第一項規定：賣一級毒品，處死刑抑者是無期徒刑；雖然伊予人以刑法59條減輕刑責。但是伊認為賣一級毒品毋是判死、就是無期徒刑的規定違反比例原則，聲請釋憲。憲法法庭11宣佈「適用上違憲」。 憲法法庭書記廳廳長 許辰舟 爭議規定毋是規條法條違憲 抑是佗一个部份違憲 是這條規定適用佇某一寡個案的時 會有違憲的情形 (某一寡個案)範圍是啥咧 就是狀況無真嚴重 明顯通諒解的個案 憲法法庭書記廳研究法官 余辛璇 (這擺的)聲請人攏是無犯罪紀錄的 按照In的販賣行為去看 回數攏真少 一擺 抑是真少 販賣毒品的價數 少的5百 濟的是1千抑是3千 憲法法庭強調，這个審判並無違背現行反毒的政策。現行規定無論犯罪狀況輕重，攏是以無期徒刑起跳，並無合理，要求相關單位應該加入有期徒刑制度，抑是以犯罪事實輕重來判刑，而且愛兩年內修正。但是民間團體認為，判決無符合期待。 民間司法改革基金會法律政策部主任 呂政諺 (犯罪)無遐爾輕 毋過可能趁著兩三千箍 有一擺前科 共伊判無期徒刑 抑是判15年 這敢有符合一般社會 逐家敢會認為罪刑相當 長期咧推動這个釋憲的「民間司法改革基金會」認為，這个判決本質上，是宣判爭議法條合憲，但是猶有真濟「次輕微」的案件，這擺無予人處理，認為宣告違憲範圍傷狹。 熊楚瑜/編輯 https://news.pts.org.tw/article/650960 謝謝大法官體恤情理法 社會都哭了 氣哭了 -- ※ 發信站: 批踢踢實業坊(ptt.cc), 來自: 39.15.40.180 (臺灣) ※ 文章網址: https://www.ptt.cc/bbs/Gossiping/M.1691808824.A.498.html