[新聞] 新臺劇「八尺門的辯護人」 討論語言平權議題

公視新聞網 https://news.pts.org.tw/article/650360 新臺劇「八尺門的辯護人」 討論語言平權議題 綜合報導 發布時間：2023-08-08 19:15 更新時間：2023-08-08 19:59 https://www.youtube.com/watch?v=VA20mbZJSKI 你看待代誌的結果敢會因為種族、國家、語言等，就會有無仝看法咧？最近真衝的臺灣戲 劇「八尺門的辯護人」是咧描寫一个阿美族的公設辯護人，為一个因為犯殺人案予檢方起 訴的印尼漁工，共伊辯護的故事。作家就表示，這齣戲予咱深深去思考語言佮權力的關係 。（此則新聞標題、導言、內文皆為臺語文。） 阿美族的公設辯護人為著欲幫來自印尼的漁工，犯的殺人案辯護，真無簡單揣著，會曉印 尼方言瓜哇話的印尼看護來鬥相共。臺語、印尼方言、阿美族語、華語佇這齣「八尺門的 辯護人」中，聽起來攏真輾轉、真自然，作家廖玉蕙呵咾講，這齣戲的演員對語言，下真 濟功夫。 作家 廖玉蕙 角色每一个對語言的掌握攏真厲害 我知影按呢真辛苦 聽in說 其實攏是新學的 聽起來真寫實 八尺門的辯護人男主角李銘順是新加坡的演員，戲中的印尼移工，多數攏是臺灣演員，導 演嘛是這本小說原創的廖福睿講，伊一直共「語言」看做故事的重要元素，無法度以多元 的語言完成小說，是伊真大的遺憾，所以他共小說改寫做劇本，嘛要求演員愛做到母語程 度的演出。 導演 唐福睿 這其實是當初咧寫小說的時 我就很在意的物件 我感覺語言是臺灣 這个社會真值得關注的代誌 因為咱有多元的文化 無仝的移民 使用無仝的語言 我感覺這件代誌 是通透過影劇 來共伊呈現出來 導演講，臺灣已經是一个多元族群的所在，伊嘛相信只要表現自然，觀眾對無仝語言的接 受度真懸，唐福睿捌做過五六年的律師，過去佇法庭上，伊嘛深刻體會語言的使用，象徵 權力、文化、佮認同，伊嘛想欲透過戲劇，予逐家思考「語言平權」。 導演 唐福睿 法庭的溝通 有真大一部份的程度 攏必須愛用華語才會當順利進行 使用少數語言的族群來講 其實這就是一个落差 伊就是一个權力的落差 導演認為，目前社會種種的議題，攏無法度跳脫族群、語言來思考，伊未來嘛會繼續用上 在地氣口、各種無仝的語言來創作，忠實傳達臺灣社會的多元文化。 熊楚瑜/編輯 -- ※ 發信站: 批踢踢實業坊(ptt.cc), 來自: 111.255.131.50 (臺灣) ※ 文章網址: https://www.ptt.cc/bbs/Gossiping/M.1691499750.A.891.html