[新聞] 臺灣快速高齡化 退休.長照政策成做大難題

公視新聞網 https://news.pts.org.tw/article/642279 臺灣快速高齡化 退休.長照政策成做大難題 郭柏均 張育睿／台北報導 發布時間：2023-06-19 19:15 更新時間：2023-06-19 20:56 https://www.youtube.com/watch?v=mAGLY-WSAq4 台灣已經進入高齡社會，國發會預估，2025年65歲以上的人口會超過2成，成做「超高齡 社會」。事實上，有一寡庄頭，老大人的人數已經超過三成，高齡化狀況嚴重，除了長照 、在地老化的政策，面對高齡化社會，欲安怎變通，來看阮的專題報導。（此則新聞標題 、導言、內文皆為臺語文。） 今年64歲的美珠姐仔跤手扭掠，一个人佇灶跤無閒煮食，這頓毋是煮予家己爾，是煮欲30 人份、佮社區共餐的序大鬥陣食。 社區共餐據點廚子師李美珠表示：「每一个人攏會老，咱若食到7、80歲，飯有人煮予咱 食，按呢嘛是蓋幸福。」 美珠姐仔講，伊雖然退休矣，但是用「少年序大服務高齡序大」的精神，猶是來服務逐家 。台灣高齡化速度真緊，估計2025年就會成做老人人口20%以上的超高齡社會，速度強欲 是世界上緊。日本共老人人口超過50%的所在號做「極限村落」，台灣總人口來看、可能 2070年就會達到43%。 台大社會系退休教授薛承泰表示：「因為你活了久，老人數量會愈來愈濟，但是你生了少 ，會予老人的比例增加了閣較緊，咱佇1950年代，(一个婦女)會生7个囡仔，最近生無到1 个。」 人口老化的方向無法度翻頭，照護需求綴咧增加。政府提出長照政策，2016年經費倚50億 、舊年超過600億，抑若現此時，嘛有超過22萬的外籍移工，投入國內看護工課。長期關 心老人福利的立委吳玉琴認為，世界攏咧欠工，台灣傷過依賴外籍移工，也是問題。 立法委員吳玉琴表示：「這馬攏是搶人大作戰，毋但臺灣欠工，日本照顧人力也是欠工真 嚴重，好的勞動條件佮好的臺灣環境，應該會是吸引in留落來的動力。」 社區共餐據點廚子師李美珠表示：「本來我嘛是想講舊年欲退休有無，但是就是感覺講， 猶閣好跤好手，會振會動，為啥物無愛做一寡工課。」 台灣面對高齡化，除了關心長照的議題。這馬醫療進步、序大也通閣一擺投入社會服務， 現代人對退休到老去，平均閣會當食2、30年，現此時，社會上嘛開始有團體有意識咧呼 籲政府，老人的政策、袂使只有長照。 壯世代教科文協會理事長吳春城表示：「臺灣這馬欲退休有500萬人，因為政府嘛無政策 ，就是長照，所有產品攏欲品牌少年化，無人咧做高齡品牌。」 立法委員吳玉琴表示：「刻板印象攏認為退休了後，就是養老，然後四界耍，退休了後， 第三人生按怎成做有路用，成做通對社會再貢獻的人。」 台灣戰後教育開始普及、經濟也快速發展，真濟這沿的人，雖罔漸漸有歲矣，毋過猶是身 體健康、而且有豐富的資產，對社會猶是會當有真大的貢獻。若是通透過政府的政策，予 序大閣一擺發揮，漸漸高齡化的台灣、就會使有新的可能。 張曼亭/編輯 -- ※ 發信站: 批踢踢實業坊(ptt.cc), 來自: 111.255.129.176 (臺灣) ※ 文章網址: https://www.ptt.cc/bbs/Gossiping/M.1687185491.A.A64.html