※ 本文轉寄自 ptt.cc, 文章原始頁面
[新聞] "願榮光歸香港"變禁歌 蹛臺灣的香港人驚擴大限制
公視新聞網 https://news.pts.org.tw/article/694530
"願榮光歸香港"變禁歌 蹛臺灣的香港人驚擴大限制
發布時間:2024-05-10 19:15 更新時間:2024-05-10 19:46
https://www.youtube.com/watch?v=wpAuqJMIG1Q
佇香港反送中運動期間,創作出來的「願榮光歸香港」,拜三去予香港上訴法院裁定做禁
歌,是香港主權交轉予中國了後的頭一條禁歌。佇臺灣的香港人,對這款的結果袂感覺意
外,in也煩惱未來佇香港,這款的限制會愈來愈濟,仝款受著獨裁的壓迫。
香港反送中運動的代表性歌曲「願榮光歸香港」,拜三去予香港上訴法院以「成做破壞國
家安全的武器」為理由,批准香港政府提出的禁制令,將這條歌裁定做禁歌,這也是1997
年香港主權回中國了後、頭一條予人禁的歌。佇臺灣生活的香港青年表示,in對這个結果
無講蓋意外,因為往過也有真濟類似這款限制的例,毋管是用法律禁止,抑是恬恬仔禁止
,未來干焦會愈來愈濟。
香港邊城青年秘書長,馮詔天表示:「歌曲也毋是單一的案件,因為其實香港政府過去也
是可能佇圖書館內底落架,任何的佮中國歹話,抑是佮抗爭相關的冊,可能就袂用直接的
方式。所以咱會當看著,其實這款的案例,紲落來會一直發生。」
香港邊城青年是一个由佇台灣生活的香港人所發起的團體,in一直攏真關心香港的狀況,
目前這條歌佇香港的網路猶看會著,毋過香港政府當咧予網路平台壓力、要求共提落來。
台灣香港協會認為,準講網路平台有影照做,以後無的確也共臺灣、香港、甚至全球,對
中國不利的歌曲撤掉,絕對愛阻擋這款代誌發生。
台灣香港協會理事長,桑普表示:「Youtube若配合,今仔配合願榮光歸香港,以後敢會
禁止島嶼天光?敢會禁止所有其他臺灣、香港、全世界,遐對中共不利的一寡歌曲?我驚
的一个結果是 Google袂共這提掉,毋過會家己起一个網路長城,就予香港的人看袂著,
就等於一个升級的獨裁矣。」
台灣香港協會表示,真濟無佇香港的香港人攏一直有咧宣傳這條歌,這馬的禁制令干焦規
範香港境內,準講以後政府去立一个域外效力的新法,會變做一件真恐怖的代誌。
劉芯瑀 謝季潾 臺北報導
陳怡臻/編輯
--
※ 發信站: 批踢踢實業坊(ptt.cc), 來自: 111.255.98.94 (臺灣)
※ 文章網址: https://www.ptt.cc/bbs/Gossiping/M.1715483140.A.FD0.html
15 則留言
CCY0927 作者的近期文章
[新聞] 駁二展出經典báng-gà 重現早期尪仔冊店氣氛
公視新聞網 https://news.pts.org.tw/article/697707 駁二展出經典báng-gà 重現早期尪仔冊店氣氛 發布時間:2024-05-30 19:15 更新時間:2024-05-31 08:29 鍾依憓 邱紹
[新聞] 青鳥行動萬人會齊 學界調查了解民眾資訊來源
公視新聞網 https://news.pts.org.tw/article/697508 青鳥行動萬人會齊 學界調查了解民眾資訊來源 發布時間:2024-05-29 19:15 更新時間:2024-05-30 08:37 呂尚儒 莊浚佑 /
[新聞] 明仔載鋒面離開臺灣 禮拜進前雨會漸漸轉和
公視新聞網 https://news.pts.org.tw/article/696561 明仔載鋒面離開臺灣 禮拜進前雨會漸漸轉和 發布時間:2024-05-23 19:15 更新時間:2024-05-23 19:36 https://ww
[新聞] 雄中甄選台語專任教師 69个報名、煞無人錄取
公視新聞網 https://news.pts.org.tw/article/696168 雄中甄選台語專任教師 69个報名、煞無人錄取 發布時間:2024-05-21 19:15 更新時間:2024-05-22 08:25 鍾依憓 邱紹揚
[新聞] 金曲35入圍公佈 翁立友、許富凱閣爭台語歌王
公視新聞網 https://news.pts.org.tw/article/695431 金曲35入圍公佈 翁立友、許富凱閣爭台語歌王 發布時間:2024-05-16 19:15 更新時間:2024-05-17 08:38 郭柏均 林郁凱
[新聞] 高雄瑞隆路新畫人行道 煞予機車違規占滿滿
公視新聞網 https://news.pts.org.tw/article/693783 高雄瑞隆路新畫人行道 煞予機車違規占滿滿 發布時間:2024-05-07 11:59 更新時間:2024-05-07 13:49 鍾依憓 邱紹揚 /
-32Gossiping
[新聞] 立委要求教育部 著共「閩南語」改做「臺灣台語」公視新聞網 https://news.pts.org.tw/article/693269 立委要求教育部 著共「閩南語」改做「臺灣台語」 發布時間:2024-05-02 19:15 更新時間:2024-05-03 08:21 呂尚儒 莊浚佑
→
→
→
→
→
→
→
→
推
噓
噓
噓
→
噓
→