[新聞] 白色恐怖記憶日影展 tshuā大眾認捌威權時代歷史

公視新聞網 https://news.pts.org.tw/article/691260 白色恐怖記憶日影展 tshuā大眾認捌威權時代歷史 發布時間：2024-04-19 19:15 更新時間：2024-04-19 19:42 呂尚儒 莊浚佑 / 台北報導 https://www.youtube.com/watch?v=g3FDeTilgzA 白色恐怖43年的歷史對台灣的民主發展有真大的影響。行政院嘛宣佈5/19訂做白色恐怖記 憶日。有民間團體嘛辦影展，望社會大眾用無仝角度來了解這段歷史，希望會當做伙來紀 念威權時代的受難者。（此則新聞標題、導言、內文皆為臺語文。） 白色恐怖記憶日影展宣傳影片 這爿的一个小小的墓 咱講著銃決的過程內底 愛開真濟錢著無 贖屍體轉去的錢愛偌濟 公務人員三至四個月的薪水 影片講的是白色恐怖時期，受難者被銃決了後，家屬愛閣開錢共遺體贖轉去的心酸。台灣 自1949年5月19宣佈戒嚴了後，了後的43年就是白色恐怖、無人權的日子，濟濟人被迫害 、甚至過往。為著欲予愈濟人了解白色恐怖，新台灣和平基金會欲辦影展，向望社會大眾 會當透過電影，用無仝角度重新記憶這段歷史。 新台灣和平基金會董事長 王美琇 一个民族若是無歷史記憶 這个民族欲按怎定義家己 一个國家若是無歷史記憶 這个國家的精神梁柱咧佗位 這改影展主要展出的作品，除了1994年經典的「超級大國民」，紀錄政治犯許毅生談少年 時因為參加讀冊會坐監的過去，另外，閣有1989年的「香蕉天堂」，和濟濟新世代導演的 作品和動畫電影，攏是為著欲記憶白色恐怖的受難者和反抗者，基金會表示電影放煞以後 閣有座談會，和觀眾進行深度的討論。 新台灣和平基金會執行董事 沈清楷 咱白色恐怖這个題目 其實台灣足濟創作者 做足濟影展佮白色恐怖有關係 所以咱共集起來 了後咧校園閣有差不多20場 佇咧校園佮學校的老師 佮學校社團鬥陣合作 新台灣和平基金會表示，影展已經佇網路免費開放登記領票，4/26至28會佇光點台北電影 館放送。嘛當咧規畫欲共影展，搬到台灣各地巡迴。而且自5月開始，遮的白色恐怖題材 的電影，嘛會佇各地學校放送、辦講座，希望台灣的歷史教育，毋但是教科書內底簡單的 幾逝文字爾爾。 洪家馨/編輯 -- ※ 發信站: 批踢踢實業坊(ptt.cc), 來自: 111.255.101.93 (臺灣) ※ 文章網址: https://www.ptt.cc/bbs/Gossiping/M.1713531093.A.C89.html