※ 本文轉寄自 ptt.cc, 文章原始頁面
[新聞] 承接百年歷史臨港線 高雄輕鐵啟動.行向新未來
公視新聞網 https://news.pts.org.tw/article/676426
承接百年歷史臨港線 高雄輕鐵啟動.行向新未來
洪敏真 賴威佐/高雄報導
發布時間:2024-01-15 19:15 更新時間:2024-01-15 19:43
https://www.youtube.com/watch?v=Ze3YfRe21lo
國內第一條輕鐵環狀線,高雄輕鐵,用十年的時間,路線總算接做一个圓,元旦開始試營
運,其實輕鐵咧走的路線,有一半攏是承接過去1950年高雄港臨港線的舊鐵路,繼續傳承
百年歷史,來看咱的專題報導。
專門載貨的臺鐵S204號機關車,2016年最後一幫車,對高雄港站駛走,宣告這條創造高雄
經濟奇蹟的臨港線,任務到一段落。
時任高雄港站站長陳文川表示:「第一臨港線大概是佇民國五十六年,對咱高雄港遮開始
,尾仔伊有經過苓仔寮車站,佮中島車站,佮這个前鎮車場,尾仔去到高雄站大概有13公
里外。」
早佇咧1930年臨港線就負責運送軍事用品、化工品,營收佇咧1990年來到高峰,一年趁超
過三億六千萬。
毋過好光景並無維持傷久,1995年過,臨港線附近的石化產業、重工業相紲關廠,貨櫃的
業務也沓沓仔去予高速公路取代,高雄港失落20年。
鐵道局簡任正工程司謝明勳表示:「咱臺灣環保的意識已經攏攑懸矣,包括工資啦,彼陣
逐家咧流行大家樂,所以彼陣臺灣規个社會,原仔有足大的改變。」
2001年捷運局開始研究輕鐵的可能性,路線對哈瑪星出發,經過駁二、夢時代、輕鐵機廠
,才箍對市區科工館、美術館、鼓山站,規个環狀線就若像過去臨港線的放大版,是一个
閣較大的圓。
2024元旦輕鐵正式試營運,對港區駛到市區,是用十年,才共路線接做圓。
舊打狗驛故事館館長古庭維表示:「過去是講這个鐵路的線路是,服務遮的碼頭,這馬就
是講這个城市,佇發展的時陣,嘛有觀光 嘛有商業,用這个閣較大的圓共伊接起來。」
鐵道局簡任正工程司謝明勳表示:「其實這是一个足重要的,高雄市的產業典範移轉,典
範移轉,所以欲共這接起來的,對往陣烏趖趖的,逐家足討厭的彼種大火車,這馬就按呢
轉型做誠媠的輕軌,伊本身就是一个街仔路的家具。」
百年歷史的臨港線,帶領高雄港區的經濟發展,百年後交接予輕鐵來行,欲繼續tshuā高
雄行向新的未來。
陳玟芯/編輯
--
※ 發信站: 批踢踢實業坊(ptt.cc), 來自: 111.255.135.44 (臺灣)
※ 文章網址: https://www.ptt.cc/bbs/Gossiping/M.1705329203.A.0E3.html
23 則留言
CCY0927 作者的近期文章
[新聞] 「日花」字體新設計 台語、客語、原住民語攏通用
公視新聞網 https://news.pts.org.tw/article/699579 「日花」字體新設計 台語、客語、原住民語攏通用 發布時間:2024-06-11 19:15 更新時間:2024-06-12 08:33 王可萱 許猛
[新聞] 「中華一番」推出台語版 6/3開始YT連播12集
公視新聞網 https://news.pts.org.tw/article/698643 「中華一番」推出台語版 6/3開始YT連播12集 發布時間:2024-06-05 19:15 更新時間:2024-06-06 08:34 呂尚儒 莊浚
[新聞] 護照拼音開放用本土語言 施行到今已滿5冬
公視新聞網 https://news.pts.org.tw/article/698248 護照拼音開放用本土語言 施行到今已滿5冬 發布時間:2024-06-03 19:15 更新時間:2024-06-04 08:28 呂尚儒 莊浚佑 /
[新聞] 臺南教育局辦多元語言活動 予逐家那耍那學
公視新聞網 https://news.pts.org.tw/article/697997 臺南教育局辦多元語言活動 予逐家那耍那學 發布時間:2024-06-01 19:15 更新時間:2024-06-01 19:43 李晨宇 / 臺南報導
[新聞] 駁二展出經典báng-gà 重現早期尪仔冊店氣氛
公視新聞網 https://news.pts.org.tw/article/697707 駁二展出經典báng-gà 重現早期尪仔冊店氣氛 發布時間:2024-05-30 19:15 更新時間:2024-05-31 08:29 鍾依憓 邱紹
[新聞] 青鳥行動萬人會齊 學界調查了解民眾資訊來源
公視新聞網 https://news.pts.org.tw/article/697508 青鳥行動萬人會齊 學界調查了解民眾資訊來源 發布時間:2024-05-29 19:15 更新時間:2024-05-30 08:37 呂尚儒 莊浚佑 /
推
→
推
推
→
推
→
→
→
推
→
→
→
→
→
→
→
推
→
推
→
→
推