[新聞] 新竹動保所咧欲滇 宣佈野放17隻狗仔引議論

公視新聞網 https://news.pts.org.tw/article/675501 新竹動保所咧欲滇 宣佈野放17隻狗仔引議論 張君豪／新竹報導 發布時間：2024-01-09 19:15 更新時間：2024-01-10 08:29 https://www.youtube.com/watch?v=jGmVvrB5nUA 國內對2017年開始，禁止收容所共動物安樂死，毋過收容所的空間煞無夠矣。親像新竹縣 的動保所，關狗仔的空間強欲滇矣。動保所就宣佈初10開始，欲共17隻流浪狗野放。消息 一出來，隨有民眾來認養其中四隻，賰的13隻會野放。但是這款作法也隨引起爭議。 古錐的狗仔看著人倚近會歡喜搖尾溜，毋過遮的佇動保所的狗仔，若是來超過兩個月，閣 無人來領養，新竹縣政府按算拜三就會放轉去in原本的所在。 民眾表示：「這可能毋是真好的做法，可能愛看敢有其他的方案來處理，若無真濟鳥類， 有可能因為流浪狗會去著傷。」 新竹縣動物保護所解釋講，因為2017年開始規定袂當實施安樂死，收容的狗仔愈來愈濟， 已經強欲滇矣，為著解決問題，只好野放。 新竹縣動保所技正林志成表示：「過去是用安樂死，這馬袂當進行安樂死了後，收容所佇 運作方面，一定是動物入來濟 出去少，最後一定是，傷過濟動物佇收容所內面，目前收 容已經150隻，接近阮收容的上限，回置(野放) 對狗仔也算是較辛苦，毋過嘛是不得已的 方法。」 流浪動物珍愛協會理事湯宏正表示：「教育的問題阮希望以後，佇修法抑是立法頂面，做 一个性命教育園區，予逐家毋通放扌束，因為放扌束這件代誌，才是源頭管理 上大的問 題，無放扌束收容所就袂有遮爾濟狗佮貓，就袂有過量這件代誌。」 新竹縣動物保護所表示，這擺總共會放１３隻流浪狗出去，嘛強調每一隻攏已經結紮過， 放出去袂繼續湠種。毋過這款做好，到底好抑禾黑？嘛引起外界討論。 陳玟芯/編輯 -- ※ 發信站: 批踢踢實業坊(ptt.cc), 來自: 111.255.131.98 (臺灣) ※ 文章網址: https://www.ptt.cc/bbs/Gossiping/M.1704864878.A.63B.html